Si modernë dhe njerëz të modës, ne jemi “diplomuar” nga Shkolla Financiare e Carrie Bradshaw, duke kuptuar se shpenzimi i çdo qindarke që fitoni për gardërobën tuaj, nuk bën një plan të mirë 5-vjeçar.
Kjo është përse ne të gjithë duam të investojmë në gjëra të veçanta, të cilave do t’ju rritet vlera. Në një gjë të tillë përfshijmë çantën Birkin, që është një investim shumë i mirë financiar në tregun e aksioneve.
Në daljen e saj të parë në treg në vitin 1955, çanta më e vjetër dhe me stilin ikonik të Chanel, The Flap Bag modeli 2.55, kushtonte vetëm 220 dollarë. Gjatë viteve ’90, çmimi i saj kapi shifrën 1.150 dollarë, ndërkohë që në ditët tona, kjo çantë kushton plot 4.900 dollarë.
Në vetëm 6 vitet e fundit, vlera e saj është rritur me 70% duke e bërë atë një investim të vërtetë. Në një studim të kryer nga “Baghunter”, një prej website-ve më të njohur për shitjen e çantave të luksit të dorës së dytë, janë analizuar potencialet investuese të modelit Flap 2.55.
Siç ka thënë drejtorja ekzekutive e website-it, ky trend vlen edhe për modelet e tjera të njohura të Chanel në përgjithësi, veçanërisht për modelin Boy, që është një nga stilet më të dashur të viteve të fundit.
*Shfleto galerinë
Burimi: Harper’s Bazaar
