Dje u shënua një hap shumë i rëndësishëm në krijimin e një lidhjeje të fortë mes Shqipërisë dhe Kosovës.
Ministri i Jashtëm i Republikës së Kosovës, Behgjet Pacolli, dhe Ministri për Europën dhe Punët e Jashtme i Republikës së Shqipërisë, Gent Cakaj, nënshkruan marrëveshjen për bashkimin e përfaqësive diplomatike te dy shteteve shqiptare dhe gjithashtu, për bashkëpunim strategjik në politikën e jashtme.
“Nga sot, do të fillojmë punën për të patur konsullata të përbashkëta në të gjithë botën”, u shpreh Cakaj, “Kemi vendosur ngritje të këshillit të përbashkët për planifikimin strategjik për politikat me rëndësi kombëtare. ”
Dy ministrat vunë në dukje se Shqipëria dhe Kosova kanë qenë kurdoherë të afërta, por kjo marrëveshje është shumë e rëndësishme në nivel bashkëpunimi politik veçanërisht në politikën e jashtme.
