Aktorja turke Seda Bakan, e njohur për rolin si “Lejla” në serialin “Krahët e dashurisë”, është bërë nënë për herë të parë.
Seda ka sjellë në jetë një vajzë dhe të gjithë janë habitur me faktin se ajo i ka vendosur të voglës emrin Lejla, si emri i rolit të saj në serial.
Vetë aktorja e ndau me ndjekësit në Instagram lajmin e bukur pasi u bë nënë për herë të parë dhe mijëra urime kanë vërshuar në komente për Seda-n dhe të voglën e saj.
“Krahët e dashurisë” ishte seriali i suksesshëm që i dha aktores famë edhe jashtë Turqisë, ndaj me siguri kjo është edhe arsyeja që Seda i vendosi të bijës emrin Lejla.
Kujtojmë se Seda është e martuar me këngëtarin turk Ali Erel.
