Kim Kardashian pranoi gjatë një interviste për “Jimmy Kimmel Live” të hënën, se dëshiron që fëmija i saj i katërt të quhet Rob, si vëllai i saj më i vogël.
Ylli i reality show-t, 38 vjeçe, u shfaq në emision bashkë me motrat Kourtney, 39 vjeçe dhe Khloe, 34 vjeçe, dhe bëri një selfie me Jimmy-n, 51 vjeç, dhe një anëtar të rastit në publik.
“Në fakt, e kam një emër. Po mendoja vërtet ta quaja Rob, si vëllai im”, zbuloi Kim gjatë show-t të xhiruar në Las Vegas.
Megjithatë ajo pranoi se emri i zakonshëm i vëllait mund të bjerë ndesh me 3 fëmijët e tjerë, të cilët njihen për emra të veçantë.
“Kemi North, Saint, Chicago – Rob. Nuk shkon shumë në të vërtetë. Por unë po e ndjeja dhe vëllai ishte dakord. Kështu që ky është emri i vetëm për tani”.
“Më pëlqen Rob West, por jo Robert West”, shtoi Kim e cila është në pritje të djalit të saj të dytë përmes një nëne mbartëse.
Ajo madje tha se ka kërkuar në Google edhe emra armenë. Megjithatë Kim do të presë 3-4 ditë pas lindjes së djalit, për të parë sesi duket ai dhe për të vendosur më pas.
