Aktorja dhe këngëtarja amerikane Carrie Underwood është bërë nënë për herë të dytë.
Carrie ka lindur një djalë që e ka pagëzuar me emrin Jacob Bryan Fisher.
Ajo ka dhënë lajmin e bukur përmes disa fotove me vogëlushin e saj, të publikuara në Instagram.
Vogëlushi erdhi në jetë në orët e para të së hënës duke bërë të lumtur prindërit dhe vëllain e tij.
“Jacob Bryan Fisher erdhi në jetë në orët e para të mëngjesit të së hënës … nëna e tij, babi dhe vëllai i madh nuk mund të jenë më të lumtur që Zoti u besoi këtë mrekulli të vogël! Zemrat tona janë plot, sytë tanë janë të lodhur dhe jetët tona do të ndryshojnë përgjithmonë”, shkruante këngëtarja në Instagram.
Carrie është e martuar me hokeistin kanadez Mike Fisher dhe kanë edhe një djalë 2 vjeç, që quhet Isaiah. Më herët, Carrie është shprehur se mezi pret të bëjë më shumë fëmijë dhe të ketë një familje shumë të madhe.
