Zhaneta Josifi 56-vjeçe dhe e bija Anisa Josifi 30-vjeçe, të cilat i dhanë fund jetës duke u vetëflijuar për t’u ringjallur në një jetë më të mirë, do të përcillen sot për në banesën e fundit.
Nënë e bijë do të prehen në Përmet, aty ku prehet dhe bashkëshorti i Zhanetës dhe babai i Anisës. Ky i fundit ndërroi jetë 6 vite më parë, pasi vrau veten duke u hedhur nga pallati.
Ndërkohë, vajza tjetër Blerta Josifi e cila u gjet në gjendje të rëndë në banesë, është shtruar në spital ku po monitorohet gjendja e saj fizike dhe psikologjike.
Ngjarja e rëndë tronditi gjithë opinionin publik. Vajza e ndjerë Anisa Josifi kishte muaj që kishte vdekur sipas ekspertizës dhe mbahej në banesë duke u lyer me vaj dhe uthull në mënyrë që të mos ndihej era e trupit të dekompozuar.
Ishte vëllai i Zhanetës ai që njoftoi policinë pasi motra e tij dhe dy mbesat nuk i përgjigjeshin në telefon dhe nuk i hapnin as derën.
“Kishte një vit që nuk e takoja Anisën. Kur kam shkuar në shtëpi kunata dhe vajza tjëtër më kanë thënë që se ka mbushur ende afatin për të dalë dhe nëse unë do e shihja Anisën e ndëshkonte Zoti”, ka thënë ai për News 24.
