Nëna e kryeministrit të vendit, Edi Rama, Aneta po kalon një sëmundje të vështirë. Kështu bën të ditur kreu i qeverisë në një shkrim kaq emocionues, ku i shpreh dashurinë publikisht.
Rama shkruan se ndihet mjaft krenar sot, pasi ka marrë në duar një çmim që nderon nënën e tij. Urdhri i Stomatologjisë Shqiptare, i ka akorduar asaj titullin “Nderi i Stomatologjisë Shqiptare”. Ai i shpreh disa fjalë zemre teksa ka postuar nje foto të Anetës duke u puthur në faqe me nipin Zaho.
Për të marrë këtë çmim, kryeministri Rama ishte në Vlorë, aty ku mbajt ceremonia, në vendlindjen e nënës së tij.
“I nderuar dhe i emocionuar që tërhoqa si mëkëmbës i nënës time, Anetës, e cila e kishte të pamundur të ishte e pranishme për shkak të sëmundjes së vështirë që po kalon, titullin “Nderi i Stomatologjisë Shqiptare” – akorduar për të nga Urdhri i Stomatologut të Shqipërisë, në një ceremoni prekëse në vendlindjen e saj, me rastin e 100 vjetorit të Shërbimit Stomatologjik të Vlorës. Love you mom. Krenar për ty”, shkruan kryeministri.
