Mami i Justin Bieber, Pattie Mallette, nuk mund të ishte më mirënjohëse për Hailey Baldwin, sesa tani që djali i saj po kalon një periudhë të vështirë me probleme të shëndetit mendor.
Dje këngëtari u shpjegoi fansave të tij pse nuk ka bërë publik asnjë projekt të ri muzikor. Ai u shpreh se ka qenë i palumtur në turneun e tij të fundit dhe nuk dëshiron që t’u japë fansave të tij një imazh të tillë.
“Kam qenë në kërkim, kam gjykuar dhe gabuar si shumica prej nesh… Unë tani jam shumë i përqendruar në rregullimin e disa prej çështjeve që kam të rrënjosura thellë, siç kanë shumica prej nesh, që të mos rrëzohem, që të mund të mbështes martesën time dhe të jem babai që dua të jem. Muzika është shumë e rëndësishme për mua, por asgjë nuk vjen para familjes sime dhe shëndetit tim”, tha ndër të tjera në postimin e tij Justin.
https://www.instagram.com/p/BvcVgLZnaOm/
Dhe nëna e këngëtarit la një koment në foton e publikuar të Justin nga modelja Hailey.
“Je e mrekullueshme Hailey Baldwin. Jam shumë mirënjohëse për ty”, komentoi Pattie.
Tashmë është e qartë që Justin po kalon një periudhë të vështirë, por për sa kohë që ka Hailey-n gjërat do të bëhen më të lehta për të.
Burimi: Cosmopolitan
