Nëna e këngëtares Fjolla Morina ka përfunduar në spital pas disa komplikacioneve me shëndetin.
Lajmin e ka dhënë vetë Fjolla përmes një postimi në Instagram, ku shihet duke i mbajtur dorën të ëmës pas operacionit.
Këngëtarja tregon se operacioni zgjati 7 orë dhe përfundoi me sukses. Fatmirësisht, Fjolla e ka nënën pranë vetes tashmë dhe beson në mrekulli:
“Sot ishte një ditë që më bëri të kuptoj që mrekullitë ekzistojnë!
Kisha shumë frikë por nuk u bëra pre e pesimizmit…luftova me veten dhe u kapa fort pas shpresës që MAMI IM do t’ia dilte mbanë dhe kësaj here. Më ka mbetur në mendje një proverbë ku thuhet: Zoti nuk mund të ishte kudo prandaj i krijoi nënat! E pra, e dashura nëna ime, ti je Zoti im, ngushëllimi im dhe burimi i dashurisë!
Sot je pranë meje falë mjekëve të Spitalit Shtetëror Prishtinës të cilët pas 7 orëve operacion, ja dolën mbanë që ti të ishe akoma pranë meje ❤”.
Kjo nuk është hera e parë që nëna e Fjolla Morinës ka pasur probleme me shëndetin, pasi këngëtarja ka bërë me dije edhe më herët për shtrimin në spital të së ëmës.
