Raportet e fundit flasin për një krizë të mundshme në marrëdhëniet mes Cristiano Ronaldos dhe Georgina Rodriguez, madje u përfol për një ndarje të mundshme. Pas këtyre spekulimeve është përfshirë edhe nëna e Ronaldos, Maria Dolores Dos Santos Aveiro, e cila ka shtuar më shumë fjalë për acarim të marrëdhënieve brenda çiftit.
Megjithatë, siç raporton Marca, nëna e futbollistit ka mohuar çdo skenar të ndarjes mes djalit të saj dhe partneres. Raportet e mëparshme nga mediat portugeze, spanjolle dhe arabe, e kishin paraqitur marrëdhënien midis Georgina dhe Dolores Aveiro si jo të mirë.
Në të kaluarën, ka pasur raporte për probleme mes nënës së Ronaldos dhe ish-të dashurës së tij, Irina Shayk, duke aluduar se Aveiro ka luajtur një rol në ndarjen e tyre.
Në lidhje me situatën aktuale, nëna e Ronaldos mohoi kategorikisht probleme me Georgina Rodriguez, duke thënë: “Të gjitha janë gënjeshtra. Të gjitha çiftet zihen, por ajo që është shkruar është gënjeshtër ” .
Edhe pse Ronaldo është përballur me sfida kohët e fundit, të tilla si largimi nga Manchester United për t’u transferuar në Arabinë Saudite dhe anashkalimi gjatë Kupës së Botës 2022, mbetet e pasigurt nëse ai do të luajë përsëri për një klub të madh evropian.
