Në fillim të këtij muaji, Britney Spears u shtrua për t’u trajtuar në psikiatri. Dhe sot nëna e saj Lynne ka shqetësuar të gjithë fansat, pas një postimi misterioz në Instagram.
Në foto shfaqet një grua që qëndron e ulur në gjunjë dhe në të shkruhej: “Kur luftëtarët e Perëndisë ulen në gjunjë, beteja nuk mbaron; ajo sapo ka nisur”.
Në mbishkrimin e postimit të saj thuhej: “Ky është fati!”.
Pas kësaj të gjithë fansat e Britney janë në panik lidhur me gjendjen shëndetësore në të cilën ndodhet këngëtarja.
Babai i këngëtares Jamie, i cili nuk është më në një marrëdhënie me Lynne, bëri një operacion në zorrën e trashë dhe ishte gjendja e tij shëndetësore që shkaktoi stres te Britney. Ai është gjithashtu kujdestari i saj, pasi mban financat e Spears që kur avokati dha dorëheqjen muajin e kaluar.
Pas postimit të saj nisi dhe reagimi i fansave:
“Shpresoj që je duke e ndihmuar Britney-n që përpiqet të përfundojë kujdestarinë. Shpresoj që ish-bashkëshorti i sëmurë të mos jetë duke e mbajtur vajzën tuaj diku pa dëshirën e saj”;
“Shpresoj që ajo të jetë mirë dhe më në fund të jetë e lirë, e meriton”.
Britney ka vuajtur edhe më herët nga problemet e shëndetit mendor, ku kujtojmë incidentin e 2007-s, kur ajo rroi kokën dhe kaloi kohë brenda një qendre rehabilitimi në Malibu.
Burimi: Daily Mail
