Në emisionin “Me Zemër të Hapur” është trajtuar historia e një gruaje, nënë e dy fëmijëve, e cila ka denoncuar dhunën dhe poshtërimin e ushtruar nga bashkëshorti i saj.
Pas rrëfimit të saj, një grua tjetër kontaktoi me urgjencë emisionin, duke bërë një denoncim tronditës. Ajo deklaroi se kishte parë në rrjetet sociale, konkretisht në TikTok, pamje ku Artan Berisha dhunonte psikologjikisht dhe fizikisht dy fëmijët e mitur.
“Unë e kam parë rastësisht në Tik-Tok dhe më ka ardhur shumë keq se si Artan Berisha i dhunonte psikologjikisht dhe fizikisht të dy fëmijët e mitur. Ai flet me një fjalor shumë të papërshatshëm në prani të tyre, duke debatuar me ndjekësit dhe duke ofenduar nënën e fëmijëve.
Sipas saj, Berisha përdorte një gjuhë të rëndë në prani të fëmijëve, ofendonte nënën e tyre dhe i kërcënonte ata me dhunë, duke u thënë se do t’u priste duart dhe këmbët nëse lëviznin. Frika e madhe e kishte bërë njërin nga fëmijët të urinonte. Ndjekësit e shikojnë dhunën, por fatkeqësisht asnjëri nuk reagon përkundrazi shikueshmëria në live vazhdon dhe rritet. Artani nuk i lejonte të lëviznin duke i kërcënuar se do i priste duart dhe këmbët dhe njëri nga fëmijët kishte urinuar nga frika e dhunës. Kjo është shqetësuese, nuk kam fjalë jam shumë e prekur. Unë i kam dërguar videot në institucionet përkatëse” përfundoi ajo./REFORMA
