Të kesh prindër artistë është pothuajse e pamundur që të mos ndjekësh rrugën e tyre. Pikërisht këtë gjë na e vërteton vajza e dy këngëtarëve të njohur, Alban Skënderajt dhe Miriam Canit, e cila edhe kur është sëmurë nuk rri dot pa kënduar.
Miriami ka publikuar dy video në Instastory ku na tregon se edhe pse Ameli është me temperaturë ajo nuk pushon së kënduari.
“Edhe pse jemi me temperaturë, nuk rrimë dot asnjë moment pa kënduar”, shkruan Miriami krahas njërës prej video-ve.
Me sa duket Miriami dhe Albani duhet të përgatiten sepse së shpejti do të kenë një “konkurrente” të fortë në muzikë. Video-t që dy këngëtarët postojnë në rrjetet e tyre sociale po na tregojnë çdo herë e më shumë se Ameli është tepër e talentuar.
