Mbrëmjen e kaluar emisioni i Sokol Ballës “Real Story” u zhvendos në qytetin e Vlorës dhe i ftuari speciali ishte kryeministri Edi Rama.
Në qendër të bisedës ishin zgjedhjet e 30 qershorit dhe çdo gjë shkoi shumë mirë deri pak minuta para se emisioni të përfundonte. Teksa moderatori Balla po bënte mbylljen e emisionit, kryeministri Rama ka tentuar të ngrihet para kohe nga karrigia.
Sokoli duke shpresuar që kamera të mos e kapte këtë moment ka tentuar të ulë me stil kryeministrin duke e kapur nga krahu.
Situata ka kaluar me shaka pasi kryeministri e ka marrë me sportivitet duke u larguar i buzëqeshur. Moderatori nuk ka nguruar të thotë me shaka edhe fjalën që po dëgjohet më shumë në media ‘Rama ik”, e cila tani është kthyer në një shprehje për të gjithë.
Në fund kryeministri i ka kthyer batutën duke ju përgjigjur po me shaka duke i thënë “Ika Luli ika”.
