Së fundmi, Dua Lipa dhe Anwar Hadid janë kthyer në çiftin më të komentuar në media, të cilët nuk kanë ngurruar të dalin hapur së bashku në publik dhe romancën e tyre t’ia tregojnë gjithë botës.
Lidhja e tyre bëri bujë të madhe, pasi Dua sapo i kishte dhënë fund me të dashurin prej disa vitesh, Isaac Carew.
Ajo u filmua në momente intime me 20-vjeçarin, të cilin ia ka prezantuar edhe familjarëve të saj.
Në vetëm dy muaj lidhje, këngëtarja shqiptare dhe vëllai i motrave Hadid, kanë marrë vendimin e rëndësishëm për marrëdhënien e tyre.
Sipas “Dailymail”, burime pranë dyshes kanë zbuluar se ata kanë vendosur të bashkëjetojnë.
Duke qenë se kanë shpenzuar pothuajse të gjithë kohën së bashku, ata po mendojnë të marrin një apartament në New York, për të jetuar të dy.
Kujtojmë se teksa ishte i pranishëm në “Sunny Hill Festival” së bashku me Dua Lipën, Anwar rrëmbeu zemrat e shqiptarëve me gjestin e shqiponjës me dy duar dhe kërcimin e valles së Tropojës.
