Larja e dhëmbëve, rregullimi i flokëve dhe karikimi i celularit janë disa nga zakonet, që i bëjmë të paktën dy herë në ditë. Por në të ardhmen mund ta karikoni celularin, vetëm një herë në tre muaj.
Disa studiues të Universitetit të Michigan-it në SHBA kanë arritur të realizojnë një material të ri që paraqet një kthesë në fushën e teknologjisë, për pajisjet elektronike.
Materiali induktor dhe multiferror i jep mundësi procesorëve të telefonave të funksionojnë duke përdorur 100 herë më pak energji, krahasuar me atë që është e nevojshme aktualisht.
Bëhet fjalë për një shtresë të hollë të atomeve, që ndërtojnë një film të polarizuar, i cili është në gjendje të kalojë nga poli negativ tek ai pozitiv me vetëm një impuls energjie.
Deri në vitin 2030, elektronika mund të konsumojë 40 deri 50% të energjisë globale. Zhvillimi i procesorëve efikas të energjisë, mund të ketë një ndikim të rëndësishëm në gjurmët tona globale të energjisë.
Burimi: Independent
