Pas lajmeve se Nusret Gökçe, i njohur ndryshe si Salt Bae, po dështon me bizneset e tij, kuzhinieri ka bërë rrëfimin prekës për jetën e tij, duke nisur që nga varfëria e deri tek suksesi botëror.
Gjatë një interviste për Corriere Della Sera, ai tregoi se familja ka qenë shumë e varfër, dhe se mishi, tashmë specialiteti i tij, ka munguar në tavolinat familjare.
“Në moshën 13, kur fillova të punoja në kasap kam parë biftekun e parë. Në shtëpinë time nuk pamë kurrë mish, ishim aq të varfër sa në tavolinë kishte vetëm një fetë bukë dhe një domate. Dita ime e parë e punës ka qenë në një kasap në Stamboll 50 kilometra larg shtëpisë. Isha 13 vjeç dhe punoja nga 6 e mëngjesit deri në mesnatë. Kam fjetur në një kolltuk brenda dyqanit. Unë jam një sipërmarrës që punon çdo ditë prej 26 vitesh, i pari që vjen dhe i fundit që largohet. Unë kurrë nuk kam bërë pushime, nuk fle shumë gjatë natës. Biznesi nuk fle kurrë”.
Ai tashmë është një sipërmarrës i suksesshëm me 32 restorante dhe 4000 punonjës.
