Shpesh mungesa e vlerësimeve të drejta në shkollat shqiptare është vënë në dukje. Dhe historia e këtij të riu dëshmon sesa i trishtë mund të kthehet shpesh arsimimi në vendin tonë.
Djali që shikoni në foto është Henri Haxhirajn, një 26-vjeçar nga Fieri, i cili ka qenë “ngelës” në Shqipëri, ndërsa sot punon si bashkëpunëtor shkencor në Parlamentin gjerman.
Në një intrev istë për “Deutsche Welle”, ai tregoi sesi ishte periudha e studimeve për në atdheun e tij:
“Nuk e kam për turp të them që kam qenë ngelës gjate studimeve bachelor në Fakultetin e Ekonomisë. Padyshim qe përgjegjësia kryesore ka qenë e imja, por shume gjëra në atë Fakultet, në gjykimin tim, nuk funksionojnë siç duhet. Nga shpërndarja e informacionit, tek marrëdhënia me profesorët, tek vlerësimi, tek mësimdhënia, etj. Ne studionim me një kurrikul që analizonte biznesin e para 30 viteve dhe ato njohuri nuk ishin fare të nevojshme në tregun aktual. Megjithatë, aty kam njohur edhe profesorë te shkëlqyer, të cilët përpos kushteve te këqija, pagesës së ulët dhe burokracisë së panevojshme, kane zhvilluar një mësimdhënie shembullore”.
Ai tregoi gjithashtu ndryshimin e përvojës së studimeve mes Shqipërisë dhe Gjermanisë:
“Si student në Gjermani kam pasur përvojën me të bukur. Studimin tim e kam financuar vetë, duke punuar si shitës, çdo javë nga 20 orë (10 të shtunave e 10 të dielave) në një dyqan suvenirësh. Ka qene goxha e vështire të gjeja kohën për gjëra të tjera dhe më është dashur të sakrifikoj shume aktivitete sociale, megjithatë nuk ndiej pendesë. Jam i lumtur që ia kam dalë me forcat e mia. Studimi akademik në Gjermani mua nuk më ka formuar vetëm në anën akademike, por më ka mësuar edhe t’i analizoj problemet e ndryshme në mënyrë të strukturuar. Gjatë studimit në Gjermani mësova edhe diçka: Kur lufton për atë qe do, mund ta arrish”.
Henri Haxhiraj, 26 vjeçar, i lindur në Fier, kreu studimet bachelor në Fakultetin Ekonomik të Tiranës në vitet 2010-2014. Në vitet 2016-2018 kreu studimet master në degën Sustainable & Environmental Management pranë Universitetit të Eberswalde-s në Gjermani. Në vitin 2017 kreu një praktikë në Bundestag ku pati rastin të bënte edhe fotografinë e mësipërme me kancelaren gjermane, Angela Merkel. Prej prillit 2018 punon si bashkëpunëtor shkencor në parlamentin gjerman.
Ajo që nuk dinim tjetër për Henri është se, i riu ka qenë pjesë e botës së modelingut në Shqipëri rreth 4 vite më parë.
Burimi: DW
