Reperi i njohur shqiptar, MC Kresha, është shumë i pëlqyer nga mijëra fansa në të gjitha trevat shqipfolëse për muzikën e tij. Ai është një ndër artistët më të dashur për publikun shqiptar ku këngët e tij tashmë janë kthyer në hite.
Krahas angazhimeve në muzikë, duket se reperi nuk e lë anash as përkushtimin e tij ndaj fesë së cilës i përket.
Kjo pasi ai së fundmi është parë duke kënduar ilahi në një xhami të Mitrovicës, gjatë faljes së taravisë në ditën e 23 të agjërimit të muajit të shenjtë të Ramazanit.
Në një video të publikuar nga faqja Qyteti i Mitrovicës në Facebook, shihet reperi teksa interpreton para dhjetëra bashkëqytetarëve të tij në xhami, thirrjen e ezanit.
Mc Kresha shpesh herë ka folur për fenë islame në intervista dhe është agjërues i rregullt i Ramazanit.
Kujtojmë se para disa ditësh në rrjetet sociale ka qarkulluar një foto e këngëtarit Mc Kresha me hoxhën Fatmir Latifaj, foto kjo që u bë shkak për disa thashetheme ku thuhej se artisti po e lë muzikën për shkak të fesë.
Kresha prej kohësh është predikues i devotshëm i fesë islame, teksa thirrja e ezanit shihet si obligim që duhet ta kryejë çdo besimtar musiman.
