Jo vetëm që bëri krenare veten, por edhe të gjithë shqiptarët anembanë me pjesëmarrjen e saj në këngën himn “Live it up”, të Kampionatit Botëror të Futbollit. Sakaq me këngën “Bon Bob”, Era Istrefi preku suksesin ndërkombëtar, madje e krahasuan edhe me këngëtaren Rihanna apo Sia.
Por suksesi nuk është i rastësishëm, pasi në rastin e këngëtares së hitit “Bon Bon”, e gjitha është fryt i punës së palodhur. Këtë e vërteton edhe postimi më i fundit i Erës në profilin e saj në “Instagram”, e cila edhe përse sot feston ditëlindjen, gjendet në studio për të punuar për hitin e rradhës.
“Në studio edhe për ditëlindje” – shkruan Era Istrefi teksa feston nën ritmet e këngës së 50 Cent.
Era ka lindur më 4 korrik të vitit 1994 në Prishtinë dhe sot mbush 24 vjeç. Para pak ditësh, ajo udhëtoi drejt Berlinit, për të punuar për projektin e ri muzikor.
