Këngëtarja e njohur, Britney Spears ka njoftuar ditën e sotme se është shtatzënë për herë të tretë.
Ikona e muzikës pop e ndau lajmin e ëmbël në llogarinë e saj të “Instagram”-it – në mënyrën më të çuditshme – ashtu siç vetëm Britney di ta bëjë.
Britney kishte postuar një foto me lule rozë (që nuk e kuptojmë çlidhje ka me të qenurit shtatzënë), teksa shkruante një tekst të gjatë duke na treguar bisedën me të fejuarin, Sam Asghari:
“Humba kaq shumë peshë për të shkuar në udhëtimin tim në Maui, vetëm për ta rifituar atë. Mendova … çfarë ndodhi me stomakun tim?”
Ndërkohë i fejuari i saj u tall duke i thënë se mund të dukej ‘shtatzënë’ nga ushqimet që kishte ngrënë.
“Kështu që bëra një test shtatzënie…dhe uh mirë…Unë do të kem një fëmijë…”, tha Spears.
Britney, e cila është nënë e djemve Sean Preston, 16 vjeç dhe Jayden James, 15 vjeç, nga martesa e saj e mëparshme me Kevin Federline, vazhdoi më tej statusin e saj “Nuk do të dalë aq shumë tashmë” referuar paparacëve.
Duke reflektuar mbi përvojën e saj si një personazh i famshëm shtatzënë që është në qendër të vëmendjes, Britney shkroi:
“Është e vështirë sepse kur isha shtatzënë kisha depresion perinatal … Më duhet të them se është absolutisht e tmerrshme. Gratë nuk flisnin për këtë në atë kohë … disa njerëz e konsideruan të rrezikshme nëse një grua ankohej, por tani gratë flasin për këtë çdo ditë … faleminderit Jezus nuk duhet ta mbajmë më sekret këtë dhimbje”
Këngëtarja shtoi se tani ka në plan “të bëjë joga çdo ditë” në vend që të dalë jashtë. Ajo e mbylli statusin e saj me një shënim për fansat ku shkruhej: “Shumë gëzim dhe dashuri!!!”
View this post on Instagram
