Këngëtarja Adelina Tahiri është duke shijuar ditët e fundit të shtatzënisë dhe shumë shpejt do të mbaj në krahë vogëlushin e saj.
Gjatë gjithë periudhës së shtatzënisë Adelina ka qenë shumë aktive në rrjetet sociale duke na njohur me ndryshimet që ka pësuar trupi i saj, por edhe me blerjet e para që ka bërë për djalin e saj që do të vijë në jetë shumë shpejt.
Vetëm pak ditë më parë Adelina postoi në Instagram një foto nëpërmjet të cilës na tregonte se ishte shumë afër ditës së madhe dhe tashmë ka kaluar 97% e shtatzënisë.
Mirëpo ndërkohë që momenti i shumëpritur po afron, të gjithë jemi kuriozë të zbulojmë se cili është emri që Adelina ka menduar për të birin. Një detaj i rëndësishëm ky që deri më tani këngëtarja e ka mbajtur sekret, por që me sa duket miku i saj, këngëtari Bertan Asllani ia ka zbuluar.
Ai ka komentuar në foton në të cilën Adelina tregonte se pritja kishte arritur 97% duke shkruar: “Djan Carlo po vjen”.
Pikërisht ky mesazh na ka lënë të kuptojmë se Adelina do ta quaj të birin Djan Carlo (që me siguri do të lexohet Xhan Karlo).
