Ergys Arazit, bashkëshortit të Alma Arazit i është dhënë leje nga Drejtoria e Burgjeve për të marrë pjesë në varrimin e 2 fëmijëve të tij të cilët u mbytën në lumin Buna së bashku me nënën e tyre dhe motrën 9 vjeçare, trupi i së cilës u gjet ditë më parë (lexo këtu).
Arazit i cili po mbahet në paraburgim për shkaktim të vetëvrasjes, nuk i është miratuar ende leja nga ana e Prokurorisë për të marrë pjesë në varrimin e të miturve të ndjerë, vajzës 7-vjeçe dhe djalit 3-vjeçar.
Ditën e djeshme, ai u la në burg nga gjykata e Shkodrës ndërsa deklaroi se ishte në gjendje të rënduar psikologjike dhe se do të flasë në një moment tjetër.
Një ditë më parë, motra e Alma Arazit dha një intervistë ku ka folur për problemet që motra e saj po përballej kohëve të fundit. Sipas saj, Almës përveçse i është dashur të përballej me tradhëtinë e të shoqit, përballej dhe me probleme ekonomike pasi bashkëshorti i saj nuk çonte asnjë lekë në familje por i prishte ato me të dashurën e tij.
