Pavarësisht ndarjeve të shumta e keqkuptimeve, Stresi dhe Keisi kanë arritur të bëjnë sërish paqe e të mposhtin largësinë. Ajo në Kanada dhe ai në Shqipëri(momentalisht në Britani), por dashuria e tyre është më e madhe se kjo distancë.
Mbrëmjen e djeshme, me rastin e ndërrimit të viteve, Keisi dhe Stresi na kanë shkrirë zemrat me dedikimet e tyre plot dashuri.
I pari ishte reperi ai që postoi një foto me Keisin ku shkruante se ata nuk e kanë festuar asnjëherë ndërrimin e viteve bashkë, por i uron asaj më të mirat e botës!
“E shtrenjtë Keisi të uroj gëzuar. Qofsh e lumtur në vitet e ardhshme! Ti meriton të gjithë lumturinë e botës! Je vajzë shembullore! Unë kam dhe do kem gjithmonë respekt për ty! Ne nuk festuam kurrë bashkë, kështu ishte e shkruar! Por, unë gjithmonë do të kujtoj se më trajtove si mbret!”
Nuk ka vonuar as reagimi i Keisit, e cila po ashtu ka postuar një foto në Instastory, ku ndër të tjera pohon: “Vërtetë asnjë vit të ri s’e kemi festuar, por asnjë prej tyre nuk ka kaluar pa të mbajtur në zemër gjithmonë!”
Stresi dhe Keisi kanë qenë gjatë gjithë verës në qendër të vëmendjes, pasi mediat aluduan për një ndarje të mundshme mes tyre. Megjithatë, i ftuar në “Shiko kush luan”, Stresi i hodhi poshtë të gjitha zërat, duke thënë se janë ende bashkë.
Ai madje tregoi disa ditë pas kësaj interviste se në planet e tyre paska qenë edhe dasma, por për shkak të pandemisë e kanë lënë për një moment të dytë. Ndër të tjera, reperi bëri edhe deklaratën më romantike të mundshme duke thënë se është shumë me fat që ka Keisin në krahë dhe se është shumë e vështirë të gjesh një vajzë si ajo. (KLIKO)
