Aktorja Hazal Kaya e serialit të famshëm që pushtoi ekranet shqiptare, “Dashuri e ndaluar”, e njohur për rolin e Nihalit, është tashmë në muajin e pestë të pritjes së ëmbël.
Mikesha e saj ka publikuar në rrjet një foto të aktores, e cila tashmë s’mund ta fshehë dot bebushin në bark.
E veshur me një fustan blu, Hazal ka pozuar duke qeshur dhe shkëlqen nga nuri i shtatzënisë, teksa shoqja e saj i ka vendosur dorën në barkun e rrumbullakosur.
Mediat turke shkruajnë se çifti është tepër entuziast për fëmijën që pritet të vijë në jetë, ndërsa gjinia e tij ende nuk është zbuluar.
Disa muaj më parë, Hazal i mohoi lajmet për shtatzëninë e saj, pas martesës së bujshme me producentin e njohur Ali Atay, më 6 shkurt të këtij viti. Mirëpo, aktorja nuk mund ta fshehë më barkun dhe foto e saj po bën tashmë xhiron e rrjetit.
