Familja Sula në Manëz ka mbetur pa shtëpi pas tërmetit të fuqishëm që tronditi vendin dhe është strehuar në çadrën e emergjencës.
Mirëpo, pas lotëve të dhimbjes për shkak të tërmetit, familja Sula ka derdhur sot lot gëzimi.
Ardjana ka sjellë në jetë në çadrën e emergjencës një vogëlushe, të cilës ia ka vendosur emrin Ajsel.
Këtë lajm e ka dhënë Ministrja e Shëndetësisë, Ogerta Manastirliu, e cila ka ndarë edhe foton e parë të të voglës.
“Ajsel ti nuk do jesh kurrë vetëm”- ka shkruar Ministrja krahas fotos.
