Më 27 Maj 2018, në ishullin Zakynthos të Greqisë ndodhi një ngjarje e rëndë. Një i ri shqiptar vrau babain e tij 70-vjeçar.
Ditën e djeshme, Aleksi 27-vjeçar doli para para gjykatës, ku në prani të të gjithëve ai pranoi edhe krimin e rëndë.
Mësohet se ai është shprehur se nuk ka dashur ta vrasë të atin, por ai ka qenë i detyruar për shkak të dhunës që ai ushtronte ndaj tij dhe nënës së tij.
Aleksi u prit si një hero nga një grup njerëzish të cilët ishin mbledhur tek dera e gjykatës, të cilët e duartrokitën me korin: “Hero”.
“Nuk doja të vrisja babain. Ai ngjalli zemërimin tim. Druri që haja unë dhe familja ime më çuan në këtë pikë, unë kurrë nuk kam lënduar askënd. Nuk kishte ditë që nuk gjakosesha nga hunda dhe goja. Nuk kishte ditë që nuk shikoja mamanë time të zvarritej në dyshime. Fjalë për fjalë, hanim bukë me gjak”, u shpreh Aleksi para trupës gjykuese.
Aleksi ka thënë se kur ishte i mitur, I ati kishte abuzuar edhe seksualisht me të.
“Ai nuk ishte baba, ishte barbar. Në darkë më detyronte të flija lakuriq dhe në mëngjes kur zgjohesha e gjeja mbi vete. Nuk më lejonte të shkoja në shkollë. Disa gjëra nuk harrohen. Si mundet ta harrojë një fëmijë poshtërimin nga babai i tij”, është shprehur i tronditur 27-vjeçari.
27-vjeçari shqiptar është fëmija i dytë nga martesa e dytë e viktimës. Madje 70-vjeçari me origjinë greke ishte martuar për herë të tretë me një rumune, por ajo kishte vdekur para pak vitesh nga një sëmundje e pashërueshme.
Me gruan e tretë, ai pati edhe dy fëmijë të tjerë, një djalë 7 vjeç dhe një vajzë 10 vjeç. Edhe me ata, Aleksi thotë se i ati i tij kishte abuzuar seksualisht.
Vendimin për të vrarë të atin, thotë se e mori për të shpëtuar edhe vëllezërit e tij që abuzoheshin.
“Nuk dija çfarë të bëja. Babai më detyroi ta vrisja për atë që kisha parë dhe përjetuar. Deri në momentin e fundit që jam keqtrajtuar, nuk e kam ndjerë kurrë dashurinë e babait”, mësohet se është shprehur Aleksi.
