Tifozët nuk mund të ngopen me ëmbëlsinë e Scott Disick dhe Kourtney Kardashian. Ylli i “Keeping Up With the Kardashians” ka postuar disa foto së fundmi në Instagram ku shfaqej mbresëlënëse e ulur mbi një raft me pasqyrë. Krah fotografive ajo shkroi “Take a bow”.
Pasi pa fotografitë, Scott duket se ashtu si të gjithë ne ka mbetur pa fjalë dhe i ka lënë asaj një koment duke shkruar “Bow wow wow yippi yo yippy yay.” Sigurisht ky koment nuk u shpëroi fansave të tyre që filluan të komentonin të entuziazmuar.
View this post on Instagram
Kjo nuk është hera e parë që Kourtney dhe Scott kanë bërë Instagramin të ziejë nga të tilla komente. Nga komentet e tyre lozonjare tek fotot e tyre të përzemërta, lëvizjet e dy të famshëmve në rrjetet sociale u kanë dhënë ndjekësve mjaft material për të folur. Ndërsa Scott dhe Kourtney janë ndarë prej vitesh, ata mbeten miq dhe kanë 3 fëmijë së bashku: Mason Disick, 11 vjeç; Penelope Disick, 8 vjeç; dhe Reign Disick, 6 vjeç.
Kourtnery Kardashian dhe Scott Disick takohen shpesh dhe kalojnë kohë me njëri-tjetrin, gjë që i ka bërë shpesh fansat të mendojnë se ata janë rikthyer bashkë. Scott u fotografua gjatë muajit tetor në krahët e një vajze brune misterioze dhe menjëherë lindën dyshimet për një lidhje (Kliko). Mirëpo opinioni publik ka qenë i ndarë, sepse ka nga ata që mendojnë se Scott ishte rikthyer në krahët Kourtney, për shkak të disa postimeve në rrjete sociale.
View this post on Instagram
Mirëpo Scott i ka mbyllur të gjitha historitë me ish të dashurat dhe ka nisur një kapitull të ri!
Së fundmi mediat rozë kanë konfirmuar lidhjen e tij me vajzën simpatike, që u fotografua muajin e shkuar. E dashura e re e Scott quhet Amelia Hamlin dhe është 19 vjeçe. Ata të dy janë parë bashkë shumë të afërt duke shëtitur në Malibu. Madje Disick është kapur duke i hedhur dorën në qafë Amelias dhe të dy dukeshin shumë të lumtur në shoqërinë e njëri-tjetrit.
Gjithashtu edhe Amelia është parë duke i mbajtur krahun të dashurit të saj gjatë shëtitjes.
Ende nuk dihet shumë rreth raportit të tyre, por ata janë parë bashkë edhe gjatë ditëlindjes së Kendall Jenner në 31 tetor. Disick i dha fund marrëdhënies 3-vjeçare me Sofia Richie rreth 2 muaj më parë.
