Një prej doktorëve më të njohur të vendit, Pëllumb Pipero, ka festuar sot ditëlindjen e tij në ambientet e spitalit.
Në pamundësi për t’u larguar nga detyra dhe i vendosur për t’i qëndruar pranë deri në fund pacientëve, ai e ka kaluar të gjithë ditën e tij në ambientet e punës.
Mirëpo, mjeku kaq i dashur për të gjithë s’mund t’i shpëtonte një surprize të këndshme këtë 64-vjetor.
Kolegët e të afërmit e tij e kanë surprizuar, duke i dhuruar buqeta me lule si dhe kuti me dhurata në oborrin e spitalit.
Pipero ka shkrepur një foto me buqetat e luleve në duar, ndërkohë që fotoja e tij po bën xhiron e rrjetit.
Qytetarët i janë mirënjohës Piperos, i cili si një hero i vërtetë po qëndron në frontin e parë të luftës me armikun e rrezikshëm Covid-19.
