Ariana Grande po ecën vetëm me marsh të pestë dhe duket se as që ka ndërmend të ndalet.
Këngëtarja e famshme, pasi disa traumave të rënda në jetën e saj si ndarja nga jeta e ish të dashurit Mac Miller, së fundmi po pushton tregun muzikor me hite të njëpasnjëshme dhe më i fundit është publikuar mbrëmjen e djeshme, vetëm pak pas publikimit të albumit të artistes.
Kënga titullohet “Leave your girlfriend, I’m bored” (Ndahu nga e dashura jote, jam e mërzitur) dhe më shumë sesa vetë muzika, vëmendjen po e tërheq klipi.
Në video, Ariana që shfaqet herë bjonde e herë brune, shihet duke flirtuar me një djalë, më pas me të dhe të dashurën e vet dhe ndonëse në këngë i këndon djalit që të ndahet nga e dashura, fundi është një surprizë më vete.
Pasi treshja ritakohet në një festë, Ariana përfundon duke u puthur me vajzën (e cila është thuajse sozia e saj) e jo me djalin siç pritej dhe një gjë e tillë i ka lënë fansat pa fjalë.
Por përtej interpretimeve për preferencat seksuale të këngëtares, shumë nga komentuesit në rrjetet sociale shprehen se nisur nga fakti që vajza ngjan tmerrësisht shumë me Arianën,marrëdhënia e tyre në fakt nënkupton dashurinë për veten.
Duke pasur parasysh këngët paraardhëse të Grande-s, nuk do të ishte çudi ky mesazh i fshehtë.
