Hailey Baldwin dhe Justin Bieber janë në kërkim të një vendi perfekt për të bërë dasmën, dhe me sa duket e kanë gjetur.
Ata po planifikojnë një destinacion tropikal për të mbajtur ceremoninë e dasmës dhe shanset janë që kjo të ndodhë shumë larg Shteteve të Bashkuara.
Sipas një burimi që ka folur për People, “Justin dhe Hailey i duan shumë vendet tropikale. Ata po shohin disa opsione për një dasmë në një vend tropikal”.
Kjo duket e besueshme duke qenë se çifti u fejua në Bahamas në muajin korrik.
Ideja e parë ishte për një dasmë në fund të shkurtit, por tani, burimi thotë se do të ndodhë në prill ose në maj.
Fakti që Hailey dhe Justin e shtynë ditën e dasmës nuk do të thotë se po iu bëjnë bisht detajeve.
Hailey mësohet se po punon me një planifikues dasmash për t’u siguruar që gjithçka të jetë e pabesueshme.
