Kur blejmë një mall ose një shërbim në dyqan apo në internet – ne mbështetemi në korrektësinë e kompanive, por duhet të jemi të vetëdijshëm edhe për të drejtat tona në rast të problemeve.
Në të njëjtën mënyrë, është e drejtë që edhe kompanitë t’i dinë të drejtat e konsumatorëve dhe t’i mbrojnë ata për të shmangur pasojat, përfshirë ato ligjore.
Në Itali Ndërmarrjet e Vogla dhe të Mesme (NVM) përfaqësojnë pjesën më të madhe të strukturës prodhuese.
Nohja e legjislacionit italian dhe europian për të drejtat e konsumatorit është bërë me detyrim për të punuar me qetësi, duke shmangur sanksionet administrative dhe për të ndërtuar një marrëdhënie besimi me klientët.
Vetëm për të ndihmuar Ndërmarrjet e Vogla dhe të Mesme që të përshtaten me temën e të drejtave të konsumatorit dhe të arrijnë kërkesat themelore për t’u përshtatur me rregulloret, ‘Autoriteti Garantues për Konkurrencën dhe Tregun (AGCM) dhe Ministria e Zhvillimit Ekonomik në Itali organizuan një sesion trajnimi kushtuar plotësisht NVM.
Tregu nuk është një xhungël ku ligji i më të fortit është në fuqi: ndër vite, legjislacioni italian dhe ai europian kanë rregulluar një sërë të drejtash si e drejta për t’u mbrojtur, e drejta për transparencë, e drejta për kushte të qarta të shitjeve, e drejta e tërheqjes, e drejta për të vendosur pa kushte, e drejta për garanci dhe klauzola jo të pakëndshme.
Po në Shqipëri çfarë ndodh?
Ligji i xhunglës duket se është akoma prezent, ku “sundojnë” më të fortët dhe jo drejtësia, as kur bëhet fjalë për mbrojtjen e konsumatorëve.
Jo më larg se dje, AKEP ka shtyrë hyrjen në fuqi të rregullores së re “Për mbrojtjen e konsumatorëve dhe pajtimtarëve të shërbimeve të komunikimeve elektronike publike” deri më datë 15 dhjetor 2021, ndërkohë që parashikohej që në 4 tetor.
Sipas AKEP nevojitet më shumë kohë, me qëllim reflektimin e rekomandimeve në kontratat e pajtimit për shërbimet nga rrjete celulare dhe fikse dhe sërish do të jetë konsumatori “i pambrojtur” përballë abuzimeve nga kompanitë celulare.
Kjo nuk është hera e parë që AKEP bën shkelje të tilla. Ju sjellim në vëmendje disa prej tyre më poshtë:
-Abuzimi me reklamat nga kompanitë celulare i kalon kufijtë, por AKEP nuk shqetësohet
-Vjedhje e të dhënave personale dhe mashtrime, por askush nuk mban përgjegjësi
-Përdorimi i të dhënave personale të klientëve për marketing, kompania celulare gjobitet me shumën qesharake
-Kompanitë celulare në Shqipëri abuzojnë edhe me tarifat “Roaming”
-Ndryshimi i tarifave pa njoftim nga kompanitë celulare nuk ndalet
-Kompanitë celulare përdorin pa të drejtë të dhënat personale të qytetarëve, AKEP zjedh të heshtë
-Padrejtësitë me paketat e operatorëve celularë në Shqipëri, AKEP nuk reagon
-Kompanitë celulare dështojnë të mbulojnë territorin
Në mes të gjithë këtyre shkeljeve, sërish AKEP ka nevojë për më shumë kohë dhe vendos të shtyjë hyrjen në fuqi të rregullores së re për mbrojtjen e konsumatorëve, të atyre që po u rëndojnë gjithë këto abuzime!
