Një ditë pas finales së Festivalit Europian të Këngës dhe renditjes së Shqipërisë në vend të 11-të, ajo që na mbetet të bëjmë janë llogaritjet e pikëve dhe vlerësimeve që na dhanë shtetet evropiane dhe ato fqinje.
Mbrëmjen e djeshme gjatë votimeve, Shqipëria pati shumë mbështetje nga juritë profesionale të shteteve pjesëmarrëse në Eurovizion. Pati shtete që edhe pse jo fqinje, e vlerësuan këngën “Mall” të Bushpepës me pikë maksimale si Azerbajxhani (12), Islanda (10).
Por ato shtete që na zhgënjyen ishin shtetet ku ka më shumë shqiptarë, si Italia, juria profesionale e së cilës nuk na dha asnjë pikë. Jemi koshientë që votimi i jurisë nuk varej numri i shqiptarëve që jetojnë në Itali, apo nga fakti që Ermal Meta është shqiptar, megjithatë duket sikur Italia nuk e ka marrë fare në konsideratë të dëgjojë këngën tonë, e cila cilësohet si një ndër më të fuqishmet e Eurovizionit të 2018-s.
Votimi i jurisë:
Juria shqiptare e përbërë nga këngëtarja Rosela Gjylbegu, këngëtarja Kamela Islamaj, kantautori Elton Deda, kantautori Bojken Lako dhe publicisti Ben Andoni, i dhanë Italisë pikët maksimale (12 pikë), ndërsa juria italiane nuk na dha asnjë pikë. Gjithsesi, Shqipëria u votua me pikët maksimale nga Italia, sa i përket votave të shqiptarëve që jetojnë atje.
Por juria profesionale e Italisë nuk ishte e vetmja, pasi pati dhe shtete të tjera që nuk e vlerësuan këngën e Bushpepës. Bëhet fjalë Gjermaninë, Francën, Rumaninë dhe Zvicrën, të cilat nuk i dhanë asnjë pikë këngës “Mall” duke zhgënjyer kështu pritshmëritë.
Si për ironi, edhe Serbia i dha 1 pikë Shqipërisë, e cila u rendit në vend të 11-të me 15 pikë diferencë nga vendi i 10-të (Moldavia).
Shtetet që i dhanë pikë Shqipërisë nga vlerësimi profesional i jurisë janë:
Azerbajxhani-12
Austria-7
Bjellorusia-7
Belgjika-2
Bullgaria-7
Kroacia-1
Qipro-6
Republika Çeke-6
Maqedonia-6
Gjeorgjia-4
Greqia-7
Hungaria-10
Islanda-10
Irlanda-2
Mali i Zi-10
Polonia-7
Portugalia-10
Serbia-1
Sllovenia-4
Britania-7
Fitues u shpall Izraeli, në vendin e dytë u rendit Qipro, me këngëtaren me origjinë shqiptare Eleni Fourera, Italia në vendin e 5-të me këngëtarin me origjinë shqiptare Ermal Meta dhe në vendin e 11 Eugent Bushpepa me këngën “Mall”.
/Iconstyle.al
