Vogëlushi i Vesa Lumës, Liani, është një ndër fëmijët më të njohur të showbiz-it shqiptar, i cili ka rrëmbyer zemrat e të gjithëve me ëmbëlsinë e tij.
Ai shfaqet vazhdimisht në postimet e shumta të së ëmës në Instagram, ndërsa së fundmi na ka marrë vëmendjen me një video ku tregon talentin e tij në muzikë.
Ai ka mësuar t’i bjerë daulles dhe na ka befasuar të gjithëve me performancën e tij. E para që është emocionuar nga ecuria e Lianit është sigurisht Vesa, e cila s’mban dot veten nga gëzimi.
“Nuk ngopem me vogëlushin tim duke luajtur në daulle”- shkruan Vesa e emocionuar.
Megjithëse prej kohësh janë shpërngulur në Zelandën e Re për një jetë më të mirë, Vesa Luma dhe Big Basta vazhdojnë ta edukojnë djalin e tyre me dashurinë për vendlindjen.
Ata i flasin të birit shqip dhe i mësojnë historinë e vendit nga vjen, ndaj Liani është një patriot i vogël që na kënaq çdo herë me dashurinë e tij për origjinën.
Madje, ai është ndjerë tepër krenar dhe i befasuar kur ka dëgjuar për herë të parë këngëtaren Dua Lipa të flasë shqip.
Ky moment i bukur nuk ka kaluar pa u filmuar nga Vesa, e cila është shkrirë së qeshuri me reagimin e të birit.
“Dua Lipa flet shqipen”- thotë Liani teksa mbulon dorën me gojë i habitur dhe buzëqesh me të madhe.
Më tej ai tregon se kur ta takojë Duan, do t’i japë një përqafim të madh.
