Prej disa ditësh, çifti i njohur Ermal Mamaqi dhe Amarda Toska, po shijojnë pushimet e tyre në Turqi, ku kanë udhëtuar së bashku me fëmijët.
Vazhdimisht në profilin e saj në Instagram, Ami ka ndarë me ndjekësit poza nga pushimet, ku ka tërhequr vëmendjen me fizikun e saj super në formë.
Ditën e sotme, ajo ka publikuar një tjetër foto nga pishina, ku ka pozuar me bikini e ka marrë komplimente të shumta.
Mirëpo, vëmendjen në mes të komplimentave e ka marrë komenti epik i aktorit Ermal Mamaqi, i cili ka bërë humor me bashkëshorten e tij.
“Ooo ti zonjë… avash içik me kto fotot… kemi dhe ne rrobabanjo po s’bojmë kshu.”- ka shkruar aktori duke i shkrirë së qeshuri ndjekësit me komentin e tij.
Kjo nuk është hera e vetme që Ermal Mamaqi lë në komente batuta të shumta, duke tërhequr vazhdimisht vëmendjen e publikut.
