Devin Booker kërkon rikthimin me të dashurën e tij! Sipas raportimeve, basketbollisti po bën “gjithçka që mundet” për të rindezur romancën e tij me ish-të dashurën Kendall Jenner. “HollywoodLife” raportoi se atleti 25-vjeçar është aq i përkushtuar ndaj marrëdhënies së tyre saqë ai mund t’i propozojë Jenner-it.
“Ai e mbushi shtëpinë e saj me lule dhe e çoi në SoHo në Malibu; është kthyer për ta trajtuar atë sikur sapo janë takuar,” zbuloi burimi i brendshëm.
“Duket sikur ndarja e Kendall me të ishte një zile e vërtetë zgjimi. Kendall nuk u nda me të për të luajtur lojëra, por padyshim që tërhoqi vëmendjen e tij,” tha personi, duke iu referuar arsyes pse modelja 26-vjeçare hoqi dorë nga lidhja.
“Shumë njerëz të afërt të Kendall po parashikojnë se ai do të bëjë propozimin pasi nuk dëshiron ta humbasë atë.”
Një burim tjetër tha gjithashtu se miqtë e Kendall dhe Devin janë të sigurt se dyshja do të rikthehen së shpejti.
“Miqtë e tyre të gjithë vazhdojnë të thonë se po presin që ata të kthehen së bashku,” tha burimi i brendshëm. “Ata vërtet nuk besojnë se Kendall dhe Devin janë ndarë përgjithmonë.”
Dyshja u ndanë pas dasmës italiane të Kourtney Kardashian dhe Travis Barker.
“Kendall u nda me të sepse ajo nuk mendonte se ai po e merrte lidhjen aq seriozisht sa ajo. Kendall ndjeu sikur ishte një lëvizje vërtet e madhe ta merrte me vete në dasmën e Kourtney dhe mendoi se do të ishte super romantike”, thanë ata.
“Por nuk doli aspak kështu pasi ai nuk mund të dukej më i larguar. Dukej sikur ai hoqi dorë nga dashuria dhe romanticiteti ndaj saj.”
