Emisioni i Ermal Mamaqit ku i ftuar ishte Noizy, ishte një nga pikat kulminante që besohet se ka nisur konflikti mes reperit në fjalë dhe këngëtares Enca Haxhia.
Moderatori shqiptar, u cilësua si “molla e sherrit” për prishjen e marrëdhënies mes dy anëtarëve të OTR. Për të gjithë ata që nuk e kanë parë emisionin, kur Noizy ishte i ftuar, moderatori e ngacmoi me pyetjen: ‘Pse Enca u bë para teje pjesë e Universal Music”?” “Unë e futa Encën”, ia ktheu ai.
Si duket kjo deklaratë nuk i ka pëlqyer aspak këngëtares, e cila e quan veten “self made” dhe nuk do që t’i hiqen meritat. Menjëherë pas deklaratës së tij, ajo i ka kërkuar Noizy-t takim privat për t’u sqaruar, por ai nuk ka dashur.
Ndërkohë, Enca ka folur në një intervistë për Prive duke thënë se futja e saj në Universal ishte meritë e saj dhe e stafit. Kjo nuk i ka pëlqyer Noizy-t i cili i kërkon t’ia njohë meritat grupit, dhe deri sa kjo të ndodhë, ai e ka përjashtuar nga grupi OTR.
Pas kësaj zënke, ka reaguar vetë Ermal Mamaqi i cili kërkon që t’i japin fund këtij konflikti dhe Enca të rikthehet në OTR. Të dy këngëtarët kanë reaguar duke komentuar; Noizy një Emoji duke qeshur me lot ndërsa Enca i është përgjigjur: “Ti e ke fajin”.
