Tre vite pas lindjes së vajzës së saj, Hanës, ministrja Olta Xhaçka do të bëhet nënë për herë të dytë.
Ajo dhe bashkëshorti, Artan Gaçi, do të bëhen sërish prindër, mirëpo ende nuk e kanë zbuluar për publikun gjininë e fëmijës.
Megjithëse është munduar t’i shpëtojë syrit të mediave, Xhaçka nuk ka mundur ta fshehë më barkun e rrumbullakosur në ditët e fundit të shtatzënisë.
“Bordo.al” ka publikuar një foto të 39-vjeçares, e cila shfaqet duke shkuar në Kuvend.
Në foto bie në sy barku i rrumbullakosur i ministres, e cila i ka vendosur çantën për ta mbuluar.
Ajo kalon duke ecur në telefon, teksa shkon në vendin e punës.
Mesa duket, Xhaçka do t’i kalojë në punë edhe ditët e fundit të pritjes së ëmbël.
