Travis Scott festoi 29-vjetorin e lindjes disa ditë më parë dhe mesazhe të urimit nga shumë ë afërm, nuk mungoi as ai nga Kylie Jenner. 23-vjeçarja ndau në llogarinë e saj në Instagram fotot më cute të Travis me të voglën e tyre, Stormi Webster, që është kthyer që prej lindjes në fëmijën më të famshëm në Instagram.
“Gëzuar ditëlindjen babai i Stormi-t”- shkroi ajo, duke lënë të kuptohet se përveç kësaj lidhjeje, s’ka asgjë tjetër mes tyre.
Mirëpo videot nga festa e Travis tregonin krejt të kundërtën. Vetë Kylie ndau në Instagram, video nga festa, në të cilat shihej shumë e afërt me Travis Scott. Ky i fundit shihej duke kërcyer pranë Kylie-t dhe ajo e prekte me këmbë, teksa dukeshin shumë të afërt me njëri-tjetrin.
Më vonë, ata të dy janë parë duke fluturuar bashkë me një avion privat pas festës së ditëlindjes. Pasi kaluan fundjavën bashkë, ata të dy janë parë duke ngjitur shkallën në të njëjtin avion. Kylie dhe Travis ishin veshur shumë thjesht duke u përpjekur që të mbanin një profil të ulët publik.
Jo vetëm kaq! Në ditën e nënave, Travis ndau në llogarinë e tij në Instagram foto të Kylie-t dhe Stormit, duke nisur nga e para dyshimet se ata mund të jenë rikthyer sërish. Madje, pas këtij postimi, ndjekësit janë nisur të pyesin se kur do ta bëjnë dasmën.
“Nga të gjitha gjërat e veçanta në jetë, të mëdhaja dhe të vogla, dashuria dhe butësia e një nëne është më e veçanta nga të gjitha.”- ishin fjalët e reperit krahas fotove.
View this post on Instagram
Epo, mbetet për t’u parë!
