Ditën e sotme, trashëgimtarja e “Top Channel”, Sara Hoxha, feston ditëlindjen e saj.
Ajo ka mbushur 24 vjeç dhe nuk ka harruar të kujtojë edhe ndjekësit e saj për ditëlindjen.
Sara publikoi në Instagram një foto të tortës së ditëlindjes dhe vlen të themi se ka bërë një super zgjedhje!
Mbi tortën e bardhë me zemra të kuqe si dekor, qëndronte portreti shumë i ëmbël familjar i Sarës, dy djemve dhe qenit të tyre, duke treguar jetën e saj deri tani.
Mirëpo, Ledioni ku është?!
Me humor Sara ka sqaruar se partneri do të jetë në tortën e darkës, pasi nuk kishte vend tek ajo e mëngjesit.
“Susan Miller thotë që ky do të jetë viti i Bricjapit, por ka disa vite që është viti im. Kështu duket 24-vjetori dhe unë nuk mund të isha më krenare për jetën që kam. Ledionin e kemi tek torta e darkës se s’kishte vend.”- shkruan Sara krahas postimit.
