Shqiptarët martohen të rinj.
Sipas një raporti të fundit të publikuar nga INSTAT, më shumë se 53 % e martesave tek gratë realizohen deri në moshën 24-vjeçare, dhe deri në moshën 29-vjeçare janë kryer 80,5 % e tyre.
Kjo shpjegon moshën relativisht të re në martesë për gratë, e cila është 25,5 vjeç, në krahasim me 26.5 vjeç që ishte vitin e kaluar.
Për burrat 54,6 % e martesave realizohen deri në moshën 29-vjeçare, dhe 82,4 % e martesave deri në moshën 34-vjeçare. Mosha mesatare e martesës për burrat është 30,2 vjeç.
Krahasuar me 5 vite më parë, gratë martohen relativisht rreth dy vite më të mëdha.
“Përqindja e vajzave të martuara në moshat 15 deri 17 vjeç është shumë e ulët, ndërsa shënon vlerat më të larta në moshën 18 dhe 19 vjeç, përkatësisht 9,2 % dhe 7,0 %, ndërsa djemtë nuk kanë martesa para moshës 18 vjeç dhe përqindja e djemve të martuar në moshën 18-19 vjeç është nën 1%”, raporton “Monitor”.
/Monitor
