Fansat e Kylie Jenner janë të bindur se ajo është shtatzënë për herë të dytë, pasi kanë vënë re disa shenja. 24-vjeçarja nuk ka reaguar ende për këto lajme, por shtatzëninë e parë e mbajti totalisht të fshehtë.
Kur ishte në pritje të vajzës së saj, Stormit, ajo fshehu barkun e rrumbullakosur dhe nuk e përdorte shpesh Instagramin dhe nuk i konfirmoi zërat derisa lindi e vogla. Por fansat kanë nisur të kontrollojnë Instagramin e saj dhe kanë vënë re disa shenja që tregojnë se ajo mund të jetë në pritje të një fëmije të dytë.
Fansat e saj besojnë se Kylie po poston foto të vjetra në Instagram për të fshehur shtatzëninë. Ajo publikoi një foto të saj veshur me një fustan jeshil për ditëlindje dhe ndjekësit vunë re thonjtë ishin të njëjtët me ata që ka pasur në muajin qershor.
Gjithashtu fansat vunë re diçka të pazakontë në mesazhet që mori për ditëlindje nga miqtë dhe familjarët.
Motrat e saj të famshme përdorën shpesh fjalën “baby” në dedikimet për 24-vjetorin e Kylie-t. Khloe ju referuar Kylie-t “baby girl” (vogëlushe) dhe publikoi një foto kur ajo ishte shtatzënë me Stormin. Kendall shkroi “baby sister” në dedikimin për Kylie-n në Instagram.
Nga ana tjetër, Kylie ka postuar ditët e fundit një foto duke ngrënë sushi dhe fansat vunë re diçka të çuditshme në ushqimin e saj. Sushi nuk përmbante peshk dhe ajo po ushqehej vetëm me avokado. Gratë shtatzëna nuk lejohen të konsumojnë sushi dhe fansat e kanë marrë këtë si një shenjë se ajo është në pritje të ëmbël.
