Aktori i njohur dhe kryebashkiaku i Kolonjës, Erion Isai, feston sot 32-vjetorin e tij të lindjes.
Në një postim në llogarinë e tij në Instagram, ai ka gjetur rastin të ndajë me ndjekësit emocionet e bukura që ndjen sot si dhe mirënjohjen e madhe për personat që ka pranë.
Erioni e quan këtë ditëlindje më të bekuarën, pasi pranë vetes ka tre princesha që i shkëlqejnë sytë.
“32 ❤. Kuptimi më i bukur i datë shënjimit të lindjes time janë sytë gjithë shkëlqim i 3 gocave që më pushtojnë.
Faleminderit për çdo urim!
Faleminderit Zot për çdo ditë lindje dielli, e mundësie për gjurmë!
Bekim! ?❤”- shkruan Isai krahas fotos.
Në fund të muajit shtator, Erion Isai u bë baba për herë të dytë.
Ai e dha lajmin e bukur personalisht në Instagram, aty ku ndau një foto të adhurueshme të vogëlushes së sapoardhur në jetë, për të cilën zgjodhën emrin super të veçantë, “E’dua”.
“U bëmë 4. Faleminderit Zot. Erdhi tek ne vajza e dytë. Quhet: E’dua. Përulem para Zotit për bekimin më të madh që më ka dhënë. Nga sot, shërbëtor i tre princeshave”, shkruante Erioni krahas fotos ku dukej dora e vogëlushes.
