“Uber” ka shpallur planet ambicioze për të zhvilluar një rrjet të makinave fluturuese deri në vitin 2020. Operatori i udhëtimit tashmë është duke testuar teknologjinë e makinave pa shofer, por dukshëm që ka plane më të mëdha.
Teknologjia për të dërguar makina elektrike ajrore është duke u zhvilluar së bashku me kompanitë e aviacionit, përfshirë “Embraer” dhe “Bell Helicopter”.
“Uber” është goxha optimist rreth rezultateve: ai thotë se makinat do të ngrihen dhe do të ulen vertikalisht, do të prodhojnë zero emetime të karbonit dhe do të bëjnë shumë pak zhurmë. Kompania gjithashtu mendon se taksitë fluturuese do të kushtojnë sa ato që paguani sot.
Në një deklaratë, “Uber” thotë se dëshiron “t’u mundësojë konsumatorëve në të ardhmen që vetëm duke shtypur një buton të fluturojnë me shpejtësi në qytet dhe jashtë tij”.
Provat do të zhvillohen në Dallas, Teksas dhe Dubai në Emiratet e Bashkuara Arabe.
Kompani të tjera po eksperimentojnë gjithashtu me automjetet e fluturimit, por shumica e tyre janë dron, jo “makina”.
Cinikët mund ta shohin shpalljen si një shpërqendrim nga problemet e tjera të kompanisë, të cilat përfshijnë akuzat për ngacmim seksual dhe vjedhjen e teknologjisë, etj.
Po ju e besoni?
Burimi: Digital Spy
