Këngëtari i njohur i “Nuk e kom mo”, “Qy qysh”, “Po du” etj, Agon Amiga, ka qenë tepër i rezervuar për fotot nga jeta e tij private.
Një vit më parë qarkulloi lajmi se ai u ribashkua me ish-partneren e tij, Egzonën, 3 vite pas ndarjes së tyre të bujshme.
Ata u bënë prindër të një djali, i cili ditën e sotme ka mbushur plot 1 vit jetë.
Në profilin e tij në Instagram, Agoni ka publikuar për herë të parë portretin e ëmbël të familjes së tij, ku ka pozuar me Egzonën dhe të birin.
Egzona është mbështetur mbi gjoksin e reperit teksa qëndrojnë të shtrirë në shtrat, ndërsa mbi trupin e saj mban të voglin e quajtur Noel.
“Dhurata më e madhe dhe kuptimi i plotë i dashurisë. Nuk po mundemi me besu që i ke mbush 1 vjet. Të duam pafund Noel.”- janë fjalët e Agonit në foton e ëmbël ku nuk kanë munguar urimet e shumta nga fansat.
Kujtojmë se në vitin 2015 bënë bujë të madhe në media mesazhet seksi të shkëmbyera mes reperit dhe modeles Afërdita Dreshaj, mesazhe të cilat çuan edhe në ndarjen e çiftit.
Mirëpo, gjithçka e ndodhur u hodh pas krahëve në vitin 2018, kur Agoni dhe Egzona u ribashkuan.
