Mbrëmjen e sotme rregullat në “Love Story” ndryshuan dhe Saimirit iu desh të eliminonte vetëm një vajzë nga spektakli i dashurisë. Pavarësisht se ajo ishte e para që i rrëmbeu një puthje, Saimiri vendosi që të largonte Vivien nga “Love Story”. Në fakt askush nuk e priste që ajo të eliminohej kaq shpejt nga gara, ndërkohë që vetë Vivien u shpreh se e ndiente një gjë të tillë.
Ajo tha se në fakt e kishte dhe vetë dëshirën për t’u larguar, sepse nuk i pëlqejnë disa nga veprimet e “princit modern”. Vivien i uroi suksese Saimirit në këtë rrugëtim, duke i thënë” Unë nuk jam për ty, ti nuk je për mua”.
Mbrëmjen e sotme Vivien u shpreh kundër Saimirit, për shkak se ai u puth edhe me Suelën, pasi i rrëmbeu një puthje Silvanës. Ajo tha se në momentin që puth një vajzë Saimiri duhet të mbajë një përgjegjësi, sepse nuk është e moralshme që t’i puthë të gjitha me radhë. Ndërkohë “princi modern” tha se puthjen e kosndieron si një etapë të dashurisë, madje si stacionin e parë drejt dashurisë.
