Edicioni i pestë i “Big Brother VIP Albania” duket se mund të zgjasë më shumë se sa ishte parashikuar fillimisht. Deri në këtë pikë të garës kanë kaluar 82 ditë nga nisja e spektaklit, ndërsa brenda shtëpisë ndodhen ende 14 banorë aktivë, një numër relativisht i lartë për këtë fazë të lojës.
Kjo situatë ka ngritur dyshime se formati vështirë se mund të përfundojë brenda afatit tradicional prej 100 ditësh. Për këtë arsye, kanë nisur të qarkullojnë informacione se produksioni po shqyrton mundësinë e zgjatjes së spektaklit.
Edhe pse deri më tani nuk ka pasur një konfirmim zyrtar nga produksioni dhe brenda shtëpisë nuk ka mbërritur ende një zarf i kuq që të njoftojë një vendim të tillë, thuhet se aventura e banorëve mund të zgjasë edhe rreth 30 ditë më shumë.
Nëse kjo ndodh, rrugëtimi i tyre në shtëpinë më të famshme në Shqipëri do të bëhet edhe më sfidues, ndërsa dinamika e lojës pritet të ndryshojë ndjeshëm në javët në vijim.
Sa i përket finales së madhe, zërat e fundit sugjerojnë se ajo mund të zhvillohet pas datës 20 prill, drejt fundit të muajit të ardhshëm. Megjithatë, vendimi përfundimtar mbetet ende në dorën e Vëllait të Madh dhe pritet të bëhet i ditur në një nga spektaklet e ardhshme.
