Shtatë vite pas shpërnguljes së familjes Obama në Shtëpinë e Bardhë sytë nuk janë kthyer vetëm nga çifti presidencial, por edhe nga dy vajzat e tyre, Sasha dhe Malia.
Pas turneut europian me Zonjën e Parë, Michelle Obama, në fillim të verës së këtij viti, motrat kanë sjellë ndjesinë e një stili elegant në rrugët e New York-ut.
Por si ka evoluar stili i dy vajzave të familjes presidenciale? Dje dy motrat Sasha dhe Malia Obama u bashkuan me Presidentin amerikan për festën e Falenderimeve. Sasha u shfaq e veshur me një triko “American Apparel” dhe një fund xhins, ndërsa Malia me një bluzë “American Apparel” dhe një xhaketë dy-ngjyrëshe.
Më 23 shtator të këtij viti, familja Obama priti Papa Françeskun në Washington DC, për vizitën e tij zyrtare në SHBA. Dy motrat u shfaqën të veshura me funde. Ja disa nga kombinimet e dy motrave dhe paraqitjet e tyre në publik prej viti 2008.
