Prej 10 ditësh tashmë ka nisur sezoni i tetë i emisionit më të këndshëm veror që transmetohet në televizionin “ABC News” dhe ka si qëllim promovimin e turizmit në bregdetin shqiptar.
Bëhet fjalë për “Edicionin Veror”, i pari emision i llojit të vet i nisur 8 vite më parë, që na shoqëron çdo ditë në orën 19:10 dhe që sjell intervista me personazhe të famshme të showbiz-it, këshilla verore dhe të reja nga sezoni turistik.
Në puntatën e sotme vumë re një ndryshim të fundit ka ndodhur me moderatoren Sibora Bitri, e cila me sa duket është larguar për tu zëvendësuar nga dyshja e gazetarëve Genta Hodo dhe Kristi Biboli.
Në fakt sot ishte puntata e parë për dy gazetarët Genta Hodo dhe Kristi Biboli si moderatorë të emisionit.
Gentën dhe Kristin i kemi parë shpesh herë në lidhje të drejtpërdrejtë nga plazhet shqiptare dhe në reportazhe të ndryshme, por këtë herë do t’i shohim me një mision të ri dhe me më shumë përgjegjësi.
