Prej dy sezonesh, moderatorit historik të “Top Show” Alban Dudushi, iu bashkuan edhe dy gazetarët Ervin Kurti dhe Albana Osmani, me pyetjet e tyre pikante për të ftuarit, në ekranin e “Top Channel”. Por duket se dy gazetarët nuk janë më pjesë e programit, si pasojë e ndryshimeve të reja që do sjellë sezoni i ri televiziv.
Lajmi është konfirmuar nga vetë gazetari Ervin Kurti, i cili njofton se këtë vit do e ndjekë emisionin nga ekrani.
Ndër të tjera, ai shpreh mirënjohje për stafin dhe për moderatorin Alban Dudushi, teksa paralajmëron publikun se e presin projekte të reja.
“Që nga sonte, do ta ndjek Top Show-n përmes ekranit. Alban Dudushi, ti kurrë s’ke dashur të të komplimentoj për së afërmi, por pas 4 vitesh pune me ty, jam ndjerë i privilegjuar që kam mësuar prej një gazetari & moderatori që pos të gjithave, bart padiskutim vlera qytetarie & profesionalizmi. Mirënjohje pafund ty dhe stafit” – shkruan ndër të tjera gazetari.
